Публикации » "Дача амнистийĕпе" район кăтартăвĕсем лайăх

27 февраля 2015 г.

Февралĕн 20-мĕшĕнче Раççей Патшалăх Думи виçĕ вулавпа хваттере е пỹлĕме тỹлевсĕр приватизацилемелли вăхăта виçĕ çуллăха тăсса пачĕ. Аса илтеретпĕр, регистрацилемелли ансат йĕрке мартăн 1-мĕшĕнче тухмаллаччĕ. Уйрăм çурта харпăрлăха куçармалли йĕркепе документсем çинчен ĕнер Раççей реестрĕ Чăваш Енре телефон линийĕ йĕркеленĕ. Раççей реестрĕн Чăваш Республикинчи Управленийĕн пай начальникĕ Ольга Николаева телефонпа шăнкăравлакансене куçман пурлăха регистрацилемелли ансат мелпе паллаштарнă. 2015 çул пуçланнăранпа "дача амнистийĕпе" Чăваш Енре 1709 çĕр участокне, уйрăм çурт-йĕре, гаража тата садри çурта регистрациленĕ. Ку тĕлĕшпе уйрăмах Канаш (244), Вăрнар (201), Хĕрлĕ Чутай (183) тата Тăвай (163) районĕсем лайăх.

Источник: "Пирěн пурнăç"