Публикации » Пулас суйлавçăсене - суйлав çинчен

27 февраля 2015 г.

2007 çултанпа февраль уйăхĕн виççĕмĕш вырсарникунĕнче Çамрăк суйлавçă кунне паллă тăваççĕ. Шăпах çак куна халалласа февралĕн 20-мĕшĕнче райадминистрацин ларусем ирттермелли Пысăк залĕнче пулас суйлавçăсем _ районти шкулсенче аслă классенче вĕренекенсем пухăнчĕç. Тĕлпулăва район администрацийĕн пуçлăхĕ Александр Башкиров тата территорири суйлав комиссийĕн председателĕ Анатолий Ейков хутшăнчĕç. Суйлавçăсен прависемпе çыхăннă кăсăклă япаласем çинчен пĕлнипе пĕрлех мероприятире 14 çул тултарнă яшсемпе хĕрсем пĕрремĕш хут паспорт илчĕç. Çавăн пекех районта вĕрентекенсем хушшинче суйлав темипе иртнĕ уçă урокăн, класс сехечĕн конкурсĕн, 10-11-мĕш класра вĕренекенсем хушшинче иртнĕ "Эпĕ тата суйлав" презентацисен конкурсĕн, 5-7-мĕш классем хушшинче пулнă "Эпĕ суйлава ỹкеретĕп" районти конкурсăн çĕнтерỹçисене чысларĕç.

 А.СЕМЕНОВА.

Источник: "Пирěн пурнăç"