13 марта 2015 г.
Мартăн 11-мĕшĕнче Шупашкарта республика Пуçлăхĕ Михаил Игнатьев ертсе пынипе ЧР Министрсен Кабинечĕн анлă ларăвĕ иртрĕ. Ларура республикăн 2014 çулхи экономикăпа социаллă пурнăç аталанăвĕн кăтартăвĕсене тишкерчĕç. ЧР экономика аталанăвĕн, промышленность тата суту-илỹ министрĕ Владимир Аврелькин, Министрсен Кабинечĕн Председатель çумĕ _ финанс министрĕ Светлана Енилина, Министрсен Кабинечĕн Председатель çумĕ _ ялхуçалăх министрĕ Сергей Павлов доклад туса пачĕç. Республика Пуçлăхĕ Ми-хаил Игнатьев 2014 çулта Правительство пĕтĕмĕшле илсен хăйсен умне лартнă задачăсене пурнăçлани пирки каларĕ. "Пур макроэкономика кăтартăвĕсемпе те эпир 2014 çула 2013 çулхинчен лайăхрах вĕçлерĕмĕр, _ терĕ Михаил Васильевич. _ Промышленность тата ялхуçалăх индексĕсем ỹс-рĕç, çуртсем туса хута ярассин калăпăшĕ пысăкланчĕ, халăхăн укçа тупăшĕ ỹсрĕ". Пĕлтĕр Чăваш Ен ялсенче фельдшерпа акушер пункчĕ-сем тăвассипе çĕршыври чи лайăх сакăр регион шутне кĕнĕ. Пурĕ республикăра пĕлтĕр çĕнĕ 15 ача сачĕ хута янă. Раççей Вĕренỹ министерстви палăртнă тăрăх, Чăваш Республики ку енĕпе лидерсен йышĕнче. Чăваш Республики пĕлтĕр бюджет инвестицийĕсене ỹстерме пултарнă Раççейри 29 регион шутне кĕнĕ. Республика Правительстви экономикăн пурнăçламалли секторне пысăк тимлĕх уйăрнăран Чăваш Ен ку енĕпе Раççейре 5-мĕш вырăн йышăннă, Атăлçи федераци округĕнче - 2-мĕш вырăн. Социаллă политикăпа (2014 çулта 8 миллиарда яхăн тенкĕ уйăрнă) вĕрентĕве (15 миллиарда яхăн) те пысăк тимлĕх уйăрнă. Сывлăх сыхлавне лайăхлатас енĕпе пирĕн республика Атăлçи федераци округĕнче 4-мĕш вырăн йышăнать. Пирĕн районтан асăннă ларăва район пуçлăхĕ Александр Степанов, райадминистраци пуçлăхĕ Александр Башкиров, "Коминтерн" ЯХПК ертỹçи Альбина Новикова тата çак йĕркесен авторĕ хутшăнчĕç. Палăртса хăвармалла, республикăн пĕлтĕрхи çитĕнĕвĕсенче пирĕн район тỹ-пи те пур. Фельдшерпа акушер пункчĕсем тăвас ĕç те аван пурнăçланать, юлашки вăхăтра районта икĕ ФАП _ Туканашра тата Çĕн Атикассинче _ хута кайрĕç, çитес вăхăтра Анат Çĕрпỹкассипе Иккĕмĕш Хурашашра уçăлмалла. Çавăн пекех Хĕрлĕ Чутай салинче 160 вырăнлă ача сачĕ çĕклес ĕç те малалла пырать.
А.Оринова.