13 марта 2015 г.
- Кăçал районти ялхуçалăх предприятийĕсем çуракине 4830 гектар çинче пурнăçлама палăртаççĕ. Çурхи пĕрчĕллĕ культурăсем _ 3667 гектар, пĕр çул ỹсе-кен курăксем _ 486 гектар, çĕрулми _ 20 гектар, кукуруз _ 520 гектар, выльăх кăшманĕ _ 4 гектар, пахчаçимĕç 1 гектар лартма планланă. Асаилтеретĕп, кĕрхи культурăсем 1586 гектар йышăнаççĕ. Хуçалăхсене акана тухма 797 тонна вăрлăх кирлĕ пулсан, ăна 819 тонна янтланă, 72 проценчĕ кондицие ларнă. Удобрени, çунтармалли-сĕрмелли материалсем турттарма хуçалăхсем Чăваш Енри Апат-çимĕç фончĕпе килĕшỹ тунă. Хуçалăхсене пĕтĕмпе 510 тонна минераллă удобрени кирлĕ-тĕк, ăна 492 тонна турттарса хунă та ĕнтĕ. Çунтармалли-сĕрмелли материалсем 194 тонна янтласа хума йышăннă пулсан, 80 тонна кỹрсе хунă. Çураки вăхăтĕнче шанчăклă техникăсăр май çук. Çавăнпах халĕ хуçалăх-сем машинăпа трактор паркĕсенче хĕрсе кайсах техника юсавлăхне тĕрĕслеççĕ, йĕркене кĕртеççĕ. Районти хуçалăхсенче паян 82 трактор шутланать, вĕсенчен 79-шĕ ĕçе тухма хатĕр. 27 автомашинăран 24-шĕ юсавлисен ретĕнче. Çавăн пекех 23 сеялкăпа 36 сухапуç та паян тесен паян ака-сухана тухма юрăхлă. 34 культиватортан 31-шĕ юсавлă. Тепĕр çивĕч ыйту _ усă курмасăр выртакан çĕрсем. "Асамат", "Путь Ильича" хуçалăхсем арканнă хыççăн уйсене çумкурăк пусса илме тытăнчĕ. Хальхи вăхăтра 5090 гектар çĕр ахалех выртать. 2500-шне кăçал пусă çаврăнăшне кĕртесшĕн. Районти фермерсен юхăмĕ вăй илме тытăнни çĕр ыйтăвне татса парас тĕлĕшре пысăк шанăç çуратать.
Источник: "Пирěн пурнăç"