Публикации » Ялхуçалăх çыравне тĕплĕн хатĕрленеççĕ

18 марта 2015 г.

2016 çулта иртекен Пĕтĕм Раççейри ялхуçалăх çыравне хатĕрленес ĕç малалла пырать. Росстат çак тĕллевпе ятарлă Комисси йĕркеленĕ, меро-приятисен календарлă планне çирĕплетнĕ. Вырăн-ти статистика органĕсем çырава тивĕçлĕ шайра йĕркелесе ирттермешкĕн уйрăм çынсемпе килĕшỹ тăваççĕ, вĕрентỹсем ирт-тереççĕ. Информаци тех-нологийĕсем аталанса пынине кура çыравçăн шучĕ ытти çулсемпе танлаштарсан чылай сахалтарах пулĕ. Пĕтĕм ĕçе кашнине ятарласа уйăрнă планшетсем çинче пурнăçлĕç. GPS хатĕрĕ ĕç пахалăхне йĕркелесе пыма пулăшĕ. Çыравра пуçтарнă информаци Федераллă саккунпа килĕшỹллĕн ытти çынсемшĕн вăрттăнлăхра юлĕ. Ветерансене _ юбилей медалĕ Çĕршывăн чи паллă уявĕ çывхарса килнĕ май патшалăх Пуçлăхĕн Указĕпе Аслă Отечественнăй вăрçă ветеранĕсене _ çапăçăва хутшăннисене, тыл ĕçченĕ-сене, вăрçă участникĕсен тăлăх арăмĕсене _ юбилей медалĕпе чыслаççĕ. Çак ĕç районта та аван пулса пырать. Аслă Çĕнтерỹпе çыхăннă мероприятисем районти пур ял тăрăхĕнче те иртеççĕ.

Источник: "Пирěн пурнăç"