Публикации » Культурăн чи лайăх ĕçченĕ

25 марта 2015 г.

Иртнĕ эрнере республикăри ял тăрăхĕсен территорийĕ-сенче вырнаçнă чи лайăх муниципаллă культура учрежденийĕсене тата вĕсенче ĕçлекенсене конкурспа килĕшỹллĕн суйланă. Кăçал ку конкурса республикăри 18 районтан 48 заявка пулнă, вăл шутран 29-шĕ муниципаллă культура учрежденийĕнчен тата 19 ĕçченрен. Конкурс пĕтĕмлетĕвĕсемпе муниципаллă культура учрежденийĕн 12 ĕçченĕ çĕнтерỹçĕ йышне кĕнĕ, вăл шутра - Атнар ял библиотекин тĕп библиотекарĕ Ангелина Козлова та. Ангелина Петровна Атнарта пурăнакансене кĕнекесемпе тивĕçтерес ĕçре 1992 çултанпа вăй хурать. Кăтартуллă ĕçшĕн вăл сахал мар хисеп хутне тивĕçнĕ. Савăнсах палăртатпăр, Ангелина Козлова асăннă конкурса хутшăнса 50 пин тенкĕлĕх гранта тивĕç пулчĕ.

А.ДМИТРИЕВА.

Источник: "Пирěн пурнăç"