Публикации » Аслă Çĕнтерỹ Геройĕсем

27 марта 2015 г.

 Аслă Отечественнăй вăрçăра çĕнтернĕренпе 70 çул çитнĕ май Раççей Оборона министерствин культура Управленийĕ тата "Не секретно" издательство çурчĕ Раççейĕн çарпа истори пĕрлешĕвĕ ертсе пынипе "Аслă Çĕнтерỹ Геройĕсем" ятпа конкурс ирттерет. Пултарулăх ăмăртăвĕ виçĕ номинаципе ("Проза", "Поэзия", "Проба пера") иртет. Литература конкурсне уйрăм произведенисене йышăнаççĕ. Вĕсенче пурнăçри чăн-чăн геройăн _ Аслă Отечественнăй вăрçа хутшăннă участникăн _ ăраскалне, паттăрлăхне çутатса памалла. Конкурса пурте хутшăнма пултараççĕ. Вăл виçĕ тапхăрпа иртет. Пĕрремĕш тапхăр (суйласа илекен) 2014 çулхи ноябрь уйăхĕнче пуçланнă ĕнтĕ. Вăл 2015 çулхи майăн 7-мĕшĕчченех пырĕ. Иккĕмĕш тапхăрта конкурс комиссийĕ ĕçсене хак парĕ. Юлашки тапхăрта конкурса ярса панă чи лайăх произведенисен пуххине пичетлĕç. Çĕнтерỹçĕсене чысласси 2016 çулхи февралĕн 23-мĕшĕчченех пырĕ. Кĕнекери калавсен авторĕсем конкурс лауреачĕн дипломне тивĕçĕç, çавăн пекех вĕсене укçан хавхалантарĕç. Унсăр пуçне пур автор та конкурс дипломанчĕн дипломне илме тивĕç пулĕ. Конкурс пирки тĕплĕнрех героивеликойпобеды.рф сайтра пĕлме пулать.

Источник: "Пирěн пурнăç"