Публикации » Аван ишет, хăвăрт чупать

27 марта 2015 г.

Хĕрлĕ Чутай салинче çуралса ỹснĕ Володя Магаськин хальхи вăхăтра Çĕнĕ Шупашкарти олимп резервĕн училищинче вĕренет. 15 çулхи яш тĕрлĕ шайри ăмăртусене час-часах хутшăнать. Акă, пĕлтĕр Сочире акватлон енĕпе иртнĕ ăмăртусене хутшăннă Володя. Шăпах çавăнта тунă ỹкерчĕкпе "Советская Чувашия" хаçат иртернĕ фотоконкурса хутшăннă та Магаськинсем, çĕнтерỹçĕсен йышне кĕнĕ, парнесене тивĕçнĕ. Сăмах май, республикăра тухса тăракан хаçат асăннă фотоконкурса йĕркеленĕ май сасăлав ирттерчĕ. Пирĕн редакци коллективĕпе пĕрлех районта пурăнакансем те Володя Магаськиншăн сасăланă.

А.СЕМЕНОВА.

Источник: "Пирěн пурнăç"