08 апреля 2015 г.
Кăçалхи сентябрĕн 13-мĕшĕнче вырăнти хăйтытăмлăх органĕсен, Чăваш Республикин Пуçлăхĕн суйлавĕ иртет. Районти территори суйлав комиссийĕ саккун ыйтнипе килĕшỹллĕн умри суйлава хатĕрленме пуçларĕ те ĕнтĕ. Иртнĕ çулхи ноябрь уйăхĕнче кашни муниципаллă пĕрлешỹпе пĕр мандатлă суйлав округĕсен схемине тата вĕсен хисепне çирĕплетнĕ. Район Пухăвĕн депутачĕсен суйлавĕпе пурĕ 18 мандат шутланать. Ял тăрăхĕсен Пухăвĕсен депутачĕсен суйлавĕпе вара çапларах: Ачкасси _ 10, Атнар _ 11, Мăн Этмен _ 10, Тралькасси _ 12, Хĕрлĕ Чутай _ 15, Пантьăк _ 14, Питĕркасси _ 10, Кив Атикасси _ 11, Хусанушкăнь _ 14, Штанаш _ 8. Районти территори суйлав комиссийĕ кăçалхи апрелĕн 26-мĕшĕччен партисен представителĕ-сенчен тата кăмăллакансенчен участок суйлав комиссийĕсен резервне кĕртме заявленисем йышăнать. Çамрăк суйлавçăсен суйлав пирки пĕлĕвне анлăлатма февраль уйăхĕнче "Эпĕ Тăван çĕршыв гражданинĕ" девизпа Çамрăк суйлавçă кунне йĕркелерĕмĕр. Унта район шкулĕсенчи 100 ытла вĕренекен хутшăнчĕ.
Анатолий ЕЙКОВ, районти территори суйлав комиссийĕн председателĕ.
Источник: "Пирěн пурнăç"