Публикации » "Çĕнтерỹ сиренĕ"

08 апреля 2015 г.

"Çĕнтерỹ сиренĕ" акцие пĕрремĕш хут 2006 çулта йĕркеленĕ. Акци никĕсĕнче илемлĕ йăла упранать - Çĕнтерỹ ячĕпе сирень лартса хăварасси. Кăçал, Аслă Çĕнтерĕве 70 çул çитнĕ май, пĕлĕтсĕр тỹпе айĕнчи çеçке çуракан сирень сăнарĕ уйрăмах пĕлтерĕшлĕ, вăл мир символĕ шутланĕ. Чăваш Енре "Çĕнтерỹ сиренĕ" акци майăн 1-мĕшĕнче пуçланать. Аслă Çĕнтерĕве халалланă акцие республикăри пур муниципалитет та хутшăнать. Пирĕн район та çак пархатарлă тата патриотизмла акцирен аякка юлмĕ. Паттăр-ентешсене асăнса районта сирень аллейи хывса хăварма шутлаççĕ. Анчах çав аллейăна ăçта лартасси паллă мар-ха. Район администрацийĕ халăх шухăшне пĕлесшĕн.

А.ДМИТРИЕВА.

Источник: "Пирěн пурнăç"