10 апреля 2015 г.
Ĕнер, апрелĕн 9-мĕшĕнче, Владимир Путинпа çулсерен иртекен "Тỹрĕ лини" валли халăхран ыйтусем йышăнма пуçланă. Кăçал Раççей Президенчĕ тỹрĕ эфира апрелĕн 16-мĕшĕнче тухĕ. РФ Президенчĕн пресс-секретарĕ Дмитрий Песков пĕлтернĕ тăрăх, ыйтусене тĕрлĕ майпа пама юрать: шăнкăравласа, СМС е ММС ярса, видео-çырупа, интернетри ятарлă сайтсем тата тĕрлĕ социаллă сетьсенчи аккаунтсем урлă. Аса илтеретпĕр, кăçалхипе Владимир Путин тỹрĕ эфира 13-мĕш хут тухать. 2014-мĕш çулта иртнĕ "Тỹрĕ линире" Владимир Владимирович тăватă сехет хушшинче 80 ытла ыйту çине хурав панăччĕ.
Источник: "Пирěн пурнăç"