15 апреля 2015 г.
Апрелĕн 8-мĕшĕнче ЧР Пуçлăхĕ Михаил Игнатьев районти Трапай ялне урнă чирпе аптранă тилĕ кĕрсе кайнă пирки çак яла карантина илни çинчен хушу кăларчĕ. Çавна май Чăваш Енри патшалăх ветеринари служби урнă чир çăлкуçне пĕтерме комплекслă мероприятисен планне туса хатĕрлерĕ. Унпа килĕшỹ-ллĕн эпир, районти выльăх-чĕрлĕх чирĕсемпе кĕрешекен станцин ветеринари специалисчĕсем, апрелĕн 9-мĕшĕнче чылай мероприяти пурнăçларăмăр. Ялти уйрăм хушма хуçалăхсене çитсе тĕрĕслерĕмĕр, çынсенчен асăннă чир енĕпе иккĕленỹллĕ чĕрчунсемпе выльăх-чĕрлĕх пирки ыйтса пĕлтĕмĕр. Çак кунсенче Трапайра тата çывăхри ытти ялсенче урăх йышши ветеринарипе санитари мероприятийĕсем ирттеретпĕр. Граждансене харпăр хăй йыттисене урама кăларма юраманни çинчен пĕлтеретпĕр.
Л.ГУЩИН, районти выльăх-чĕрлĕх чирĕсемпе кĕрешекен станци начальникĕ.
Источник: "Пирěн пурнăç"