Публикации » Хăçан, камсем тата ăçта?

22 апреля 2015 г.

Кăçал Шупашкарти "Олимпийский" стадионта Çăмăл атлетика енĕпе Европăн команда чемпионачĕ иртет. Ăна савăнăçлă лару-тăрура июнĕн 19-мĕшĕнче каçхи сакăр сехетре Хĕрлĕ лапамра уçĕç. Чемпионатăн историйĕ пуян. 1965-2008 çулсенче çăмăл атлетика енĕпе командăсен Европа Кубокĕ арçынсемпе хĕрарăмсем хушшинче уйрăммăн иртнĕ. Раççей спортсменкисем юлашки 12 çул хушшинче çĕнтерсе пынă. Çăмăл атлетика енĕпе Европăн команда чемпионачĕ пĕрремĕш хут 2009 çулта пулнă. Кăçал Шупашкарта иртекен ăмăрту 6-мĕш пулать. Асăннă чемпионат тăватă лигăран тăрать. Шупашкар Суперлигăна йышăнĕ. Чи нумай очко пухакан команда Европа чемпионĕн ятне тивĕçет. Чемпионат вăхăтĕнче 350 волонтер, 200-е яхăн судья (вĕсенчен 60-шĕ - Чăваш Енрен) ĕçлĕ.

А.КАРПОВА.

Источник: "Пирěн пурнăç"