22 апреля 2015 г.
Чăваш Республикин "Сывă наци" обществăлла организацийĕ ыйтнипе район прокуратури пирус туртма юраман вырăнсенче саккуна еплерех пăхăннине тĕрĕслерĕ, "Жилсервис" ТЯО тата Çурт-йĕр тытакансен юлташлăхĕн Центрĕн (ТСЖ Центр) ĕçĕнче çитменлĕхсем тупрĕ. Саккунпа килĕшỹллĕн нумай хваттерлĕ çуртсенчи лифтсенче тата пурте усă куракан пỹлĕмсенче пирус туртма юрамасть. Пирус туртма юраман вырăнсенче _ территорисенче, объектсенче тата çуртсенче _ ятарлă паллăсем вырнаçтарма тивĕç. Вăл территорири, объектсенчи тата çуртсенчи кашни кĕмелли çĕрте пулмалла. Çавăн пекех пурте усă куракан вырăнсенче тата транспорт хатĕрĕсем патĕн-че: алăк çинче, тул енчен. Ятарлă паллăсем нумай хваттерлĕ çуртсенче, пурте усă куракан пỹлĕмсенче, çавăн пекех подъездсенче, пулмалла. Тĕрĕслев асăннă организацисем пăхса тăракан нумай хваттерлĕ çуртсенчи подъездсенче пирус туртма юраманни пирки ятарлă паллăсем пулманнине кăтартрĕ. Тĕрĕслев пĕтĕмлетĕвĕсемпе "Жилсервис" ТЯО директорне тата Çурт-йĕр тытакансен юлташлăхĕн Центрĕн председательне представлени тăратрăмăр.
Валерий ШОРКИН, район прокурорĕ.
Источник: "Пирěн пурнăç"