24 апреля 2015 г.
Мартăн 13-14-мĕшĕсенче РФ Правительствин Председателĕ Д.А.Медведев 2015 çулта федераллă бюджетран РФ субъекчĕсене субсидисем уйăрса парасси çинчен йышăнăва алă пусса çирĕплетнĕ. Ун хушăвĕпе килĕшỹллĕн Чăваш Республикине килекен патшалăх пулăшăвĕ 31918,44 пин тенкĕпе танлашать. Çакăнтан 19129,0 пин тенкине фермер хуçалăхĕсене йĕркелеме тата ĕçе тытăнакан фермерсене йăла ыйтăвĕсенче пулăшу кỹме уйăрĕç.
Калас пулать, "Ĕçе тытăнакан фермер" программăна хутшăнса пĕлтĕр пирĕн районтан виçĕ çын гранта тивĕçрĕ. Грантăн вăтам виçи 1 миллион та 100 пин тенкĕ-пе танлашать. Кăçал вара ку программăна районти 10 çын хутшăнма кăмăл тунă. Анчах комисси 8 çыннăн докуменчĕ-сене кăна пăхса тухма йышăннă. Тĕрĕссипе, грант çĕнсе илме çăмăл мар, конкурс условийĕсем çирĕп.
Сăмахран, патшалăх уйăрса паракан укçа-тенкĕн 10 процентне ĕçе тытăнакан фермерсен хăйсен саплаштармалла.
А.ЗАМУТКИНА.