24 апреля 2015 г.
2015 çулхи февралĕн 25-мĕшĕнче республикăра черетлĕ хут старта тухнă "Тăлăхсемсĕр Чăваш Ен!" автокараван апрелĕн 22-мĕшĕнче Хĕрлĕ Чутая çитрĕ.
Шупашкартан килнĕ специалистсем ачасене хỹтте илес енĕпе пирĕн районта кăтартусем лайăх пулнине палăртрĕç. Ачасене çемьесене вырнаçтарнипех ĕç вĕçленменнине, патшалăх усрава панă ачасене, усрав çемьесене малашне те пăхса, пулăшса тăрассине пысăк тимлĕх уйăрнине пĕлтерчĕç. Специалистсем çак тĕллевпех ятарлă центрсем йĕркеленине палăртрĕç. Центр ĕçченĕсем тăтăшах çемьесене çỹреççĕ, çемьере сиксе тухакан йывăрлăхсене татса пама пулăшаççĕ, психологипе педагогика консультацийĕ параççĕ.
А.ЗАМУТКИНА.