24 апреля 2015 г.
Апрелĕн 22-мĕшĕнче каçхине, 23 сехетре, Утаркассинче пурăнакан 82 çулхи хĕрарăмăн килĕн-че пушар тухнă.
Пĕччен пурăнакан ватă çын кукăль пĕçерес тесе кăмака хутса янă, анчах вучаха пăхса çитереймен. Кĕтмен çĕртен вут-кăвар кăмакапа юнашарах выртакан ăпăр-тапăр япала çине сиксе ỹкнĕ те лешсем çунма тытăннă. Вут-çулăм ăшĕнчен кинеми аран-аран тухнă, кĕлетки 50 процента яхăн пиçсе кайнă. Пушарнăйсем вут-çулăма çур сехетре сỹнтернĕ, çав вăхăтрах кỹршĕсен килĕсене, хуралтисене, ĕнине тата 10 качакана çăлса хăварнă.
А.ДМИТРИЕВА хатĕрленĕ.