08 мая 2015 г.
Тĕп тема "Пирĕн республика. Тĕп тема" çĕнĕ проектăн иккĕмĕш кăларăмне майăн 5-мĕшĕнче "Россия-1" каналпа, Наци телевиденийĕпе курма пулчĕ. Асăннă проектăн иккĕмĕш кăларăмĕ ялхуçалăх темипе иртрĕ. Чăваш Ен Пуçлăхĕ Михаил Игнатьев республикăри лайăх аталанса пыракан ялхуçалăх предприятийĕсен ĕç-хĕлĕпе паллаштарчĕ тата çурхи ĕçсене тишкерчĕ.
- Çурхи кун çулталăк тăрантарать. Репортаж республика Пуçлăхĕ Михаил Игнатьев Çĕрпỹ районĕнчи Чурачăк салинчен инçех мар вырнаçнă "ВДС" ялхуçалăх предприятине çитсе курнинчен пуçланчĕ. Хуçалăх учредителĕ Анатолий Федоров Михаил Игнатьева çурхи ĕçсене епле хатĕрленнипе паллаштарчĕ. Хуçалăх тăватă пин çурă гектар çĕр çинче ака ĕçĕсене туса ирттерет. Ака валли вăл вăрлăха пин тоннăпа хатĕрлесе хунă, унпа кỹршĕсене те пулăшма пултарать. Пуçаруллă ертỹçĕ ĕç-хĕле тивĕçлĕ йĕркелеме пĕлет. Михаил Игнатьев кунта ĕçлекенсене производствăна çĕкленĕшĕн ырланă, Çĕрпỹ районĕнче нумаях пулмасть çĕрсен виççĕмĕш пайĕ усăсăр выртнине, халĕ вĕсене пĕтĕмпех сухаланине палăртнă.
- Куç хăрать те, ал тăвать. Михаил Игнать-евăн ĕçлĕ çулçỹревĕ Канаш районĕнчи Никоновсен фер-мипе иртрĕ. Никоновсем 2005 çултанпа выльăх-чĕрлĕхпе аппаланаççĕ. 2011 çулта вĕсем 40 пуç выльăх валли ферма тунă. Иртнĕ çул вара "Фермерпа хресчен хуçалăхĕн никĕсĕ çинче çемье фермисене аталантарасси" конкурса хутшăнса пилĕк миллион тенкĕлĕх гранта тивĕçнĕ, унпа усă курса пăхса ăмсанмалли ферма туса лартнă. Унсăр пуçне вĕсен уй-хир ĕçĕсене пурнăçлама тракторĕ те, акмалли агрегачĕ те, тĕрлĕ оборудовани те пур. Республика Пуçлăхĕ тăрăшуллă çемьене малалла аталанма ăнтăл-нăшăн мухтанă. Верăпа Валерий Никоновсене ĕçре ачи-сем пулăшаççĕ. Аслă ывăлĕ хăй çемье çавăрма ĕлкĕ-рнĕ ĕнтĕ. Çамрăк мăшăра Михаил Игнатьев харпăр хăй çуртне çĕклеме е туянма паракан 70 процентлă субсидие тивĕçмелли майсем çинчен ăнлантарса панă.
- Хамăрăн мĕнрен япăх? Комсомольски районĕнче консервантсемпе сăрăсем хушмасăр хальхи технологипе продукци туса кăларакан сĕт завочĕ пур. Ăна Арменирен тухнă Вадим Агамирян ертсе пырать. Кунта ту-са кăларакан сыр ытти çĕршыврисенчен нимĕнпе те кая мар. Михаил Игнатьев продукципе интересленнипе пĕрлех йăла условийĕсене те тишкернĕ. Çитес вăхăтра сĕт заводĕнче çĕнĕ производство цехĕсем уçăлмалла. Апла пулсан - çĕнĕ ĕç вырăнĕсем те...
- Инвесторсем хамăрăн пулмалла. Юлашки çулсенче харпăрлăхçăсен айăпĕпе панкрута тухнă предприятисене йĕркене кĕртесси вăй илет. 2012 çулта Шупашкарти аш-какай комбиначĕ ĕçлеме чарăннă. Анчах Михаил Игнатьев пуçаруллă çынсене тупнă. 2014 çулта "Агро-Инвест" ХАО аш продукцийĕ кăларакан пĕрремĕш линие ĕçе янă. Умра - пысăк инвестици проекчĕсем. Тĕп директор Сергей Михеев Михаил Игнатьева Шупашкарти аш-какай комбиначĕн малтанхи сумне тавăрма шантарнă.
А.ЗАМУТКИНА хатĕрленĕ.
Источник: "Пирěн пурнăç"