13 мая 2015 г.
Раççей Пенси Фончĕн официаллă сайтĕнче пĕлтернĕ тăрăх, майăн 5-мĕшĕнчен Пенси Фончĕн территорири пур уйрăмĕ-сенче те, çав шутра пирĕн районта та, амăшĕн капиталĕнчен алла 20 пин тенкĕ илес текенсенчен заявленисем йышăнма пуçланă. Заявленире СНИЛС номерне, амăшĕн капиталĕн сертификачĕн номерĕпе серине кăтартмалла. Заявлени параканăн пĕрле паспорт пулмалла, унсăр пуçне паспортăн сăнỹкерчĕклĕ тата пропискăра ăçта тăнине çырнă страницисен ксерокопине тумалла. Çавăн пекех банкран унта счет уçни çинчен калакан справка илмелле (асăрхаттаратпăр, сирĕн темиçе счет та пулсан справкăра укçана хăшин çине куçарма шутланине кăна çыртармалла). 20 пин тенкĕ счет çине заявлени çырнă хыççăн икĕ уйăх хушшинче куçать. Палăртмалла, асăннă укçана илес текенсен заявленисене 2016 çулхи мартăн 31-мĕшĕнчен кая юл-масăр çырмалла. Заявленисене Пенси фончĕн районти уйрăмĕнче (Хĕрлĕ Чутай сали, Çĕнтерỹ лапамĕ, 1 çурт, 1 хут, 2-мĕш пỹлĕм) йышăнаççĕ.
А.ТИМОФЕЕВА хатĕрленĕ.
Источник: "Пирěн пурнăç"