Публикации » Халĕ те "конвертра" илетĕр-и?

13 мая 2015 г.

 Хальхи вăхăтра налук органĕсем ĕç укçине "конвертпа" тỹленине тĕрĕслеççĕ. Ĕçлекен саккунпа килĕшỹллĕн ĕçпе тивĕçтерекенсем çынсен тупăшĕн налукне, обязательнăй пенси страхлавĕн тỹлевĕсене тỹлеме тивĕç. Анчах та хăшĕ-пĕри налук тỹлесрен пăрăнса юлма пикенет. Кун пеккисем ĕçлекенсен шалăвне "конвертра" параççĕ. Уйрăмах пĕчĕк тата вăтам бизнес ертсе пыракансем саккуна пăсаççĕ. Ĕç укçине халĕ те "конвертра" илекенсем çинчен пĕр-пĕр информаци пулсан налук инспекцийĕн шанăç телефонĕпе шăнкăравласа пĕлтерме ыйтатпăр. Унăн номерĕ: 8 (83536) 2-36-55. Çавăн пекех справкăсене çак телефон номерĕпе пама пултаратăр: 8 (83536) 2-27-42.

Т.ТАРАНОВА, Федераллă налук службин Чăваш Республикинчи районсем хушшинчи 8 № налук инспекцийĕн начальникĕ.

Источник: "Пирěн пурнăç"