Публикации » ЧР Сывлăх сыхлавĕн министрĕ - районта

15 мая 2015 г.

Ĕнер, майăн 14-мĕшĕнче, Чăваш Республикин Министрсен Кабинечĕн Председателĕн çумĕ - сывлăх сыхлавĕпе социаллă аталану министрĕ Алла Владимировна Самойлова районта ĕçлĕ визитпа пулчĕ. Алла Самойлова районти тĕп больницăн ĕçĕ-хĕлĕпе паллашрĕ. Юсав ĕçĕсем туса ирттернĕ хыççăн район больници чылай хăтлăланнине палăртрĕ. Çав хушăрах министр куçĕ тĕлне "шур халатлисен" ĕçĕнчи çитменлĕхсем те пулчĕç (кун пирки тĕплĕнрех - çитес номерте). Медицина ĕçченĕсемпе, социаллă пулăшупа тивĕçтерекенсемпе тата социаллă страхлав фондĕнче тăрăшакансемпе тĕл пулнă май министр вĕсен ĕçĕ-хĕлĕпе кăсăкланчĕ, тĕрлĕ сĕнỹсем пачĕ. Çавăн пекех Алла Владимировна райхаçата интервью пачĕ, унпа вулакансене хаçатăн çитес номерĕсенче паллаштарăпăр.

Алина КАРПОВА.

Источник: "Пирěн пурнăç"