22 мая 2015 г.
"Чăваш Республикин Министрсен Кабинечĕн 2014 çулхи ĕç кăтартăвĕ çинчен" Чăваш Республикин Пуçлăхĕ М.В.Игнатьев тунă отчечĕ, кăçалхи çурхи уй-хир ĕçĕсен малтанхи пĕтĕмлетĕвĕ, çуллахи кунсенче ачасемпе çамрăксен канăвне йĕркелесси, сывлăхне çирĕплетесси тата вĕсене тĕрлĕ ĕçе явăçтарасси, управляющи компанисен лицензийĕ пирки тата çуркуннепе çуллахи кунсенче пушар хăрушсăрлăхне пăхăнасси çинчен _ çак темăсене сỹтсе яврĕç районта юнкун, майăн 20-мĕшĕнче, иртнĕ Пĕрлехи информаци кунĕнче. Халăхпа тĕл пулса калаçма тĕп хуламăртан килсе çитнĕ тĕрлĕ ведомство представителĕсем район администрацийĕн ĕçченĕсемпе ушкăнсем çине пайланса кашни ял тăрăхне çитсе курчĕç.
Штанаш ял тăрăхĕнче
ЧР Тĕрĕслевпе шутлав палатин председателĕ Татьяна Мининапа район администрацийĕн пуçлăхĕ Александр Башкиров ертсе пыракан пĕрремĕш ушкăн Штанаш ял тăрăхĕн-че пулчĕ, Горбатовка ялне çитрĕ, кунта пурăнакансемпе тĕл пулса вĕсене хумхантаракан ыйтусене сỹтсе яврĕ.
Мăн Этмен ял тăрăхĕнче
Çĕн Ирчемес ялĕнчи халăхпа Чăваш Патша-лăх Канашĕн депутачĕн Валерий Павловăн пулăшаканĕпе А.Даниловпа район пуçлăхĕ Александр Степанов ертсе пыракан ушкăн тĕл пулчĕç. Пĕрлехи информаци кунĕнчи темăсене сỹтсе явнă хыççăн сĕт хакĕ, çул-йĕр пирки, ялти клуб çуртне салатса ярас çукки çинчен, пенсипе архив тавра тата ытти пирки те калаçрĕç. Малалла информаци кунĕнче пăхса тухнă тĕп ыйтусем çинче кĕскен чарăнса тăрар. Темăсене уçăмлатма ЧР Тĕрĕслевпе шутлав палатин председательне Татьяна Мининана сăмах парар-ха: _Яланхи пекех ку хутĕн-че те Пĕрлехи информаци ку-нĕн темисем паянхи куншăн çивĕч пулчĕç, çав шутра: "Чă-ваш Республикин Министрсен Кабинечĕн 2014 çулхи ĕç кăтартăвĕ çинчен" Чăваш Республикин Пуçлăхĕ М.В.Игнатьев тунă отчечĕ, кăçалхи çурхи уй-хир ĕçĕсен малтанхи пĕтĕмлетĕвĕ, çуллахи кунсенче ачасемпе çамрăксен канăвне йĕркелесси, сывлăхне çирĕплетесси тата вĕсене тĕрлĕ ĕçе явăçтарасси, управляющи компанисен лицензийĕ пирки тата çуркуннепе çуллахи кунсенче пушар хăрушсăрлăхне пăхăнасси те. Хĕрлĕчутайсем район пурнăçĕпе пĕрлех республика аталанăвĕпе интересленеççех ĕнтĕ.
Республика Правительстви халăха социаллă пулăшупа туллин тивĕçтерет. 2014 çулта ĕç ветеранĕсем валли республика бюджетĕнчен 1 млрд. та 883 пин тенкĕ уйăрнă. Халăх кăмăлне шута илсе "Чăваш Республикин ĕç ветеранĕ" ята илмелли ĕç стажĕ те пĕчĕкленчĕ. Июнĕн 1-мĕшĕнчен пуçласа республикăра тата 10 пин çын ĕç ветеранĕн ятне тивĕçĕ. Ку енĕпе хĕрлĕчутайсем майăн 16-мĕшĕ тĕлне 200-ĕн ыйтса çырнă.
Çуллахи кунсенче ачасемпе çамрăксен канăвне йĕркелес, сывлăхне çирĕплетес тата вĕсене тĕрлĕ ĕçе явăçтарас енĕпе те калаçма вăхăт. Кăçал ачасен канăвне, сывлăхне çирĕплетес енĕпе районти 9 шкулта лагерь ĕçлĕ, вĕсем 400 ачана йышăнĕç. Ачасене йышăнма шкулсем хатĕр. Шкул ачисене ĕçе явăçтарас енĕпе те район ĕçлет. Халăха ĕçпе тивĕçтерес енĕпе ĕçлекен центр урлă 150 ачана ĕçе явăçтарĕç. Пĕрлехи информаци кунĕнче районти халăха уйрăмах сĕт хакĕ, çул-йĕр ыйтăвĕ, пĕчĕк ялсенчи клубсем хупăнни самаях пăшăрхантарни сисĕнчĕ.
А.ОРИНОВА.
Источник: "Пирěн пурнăç"