27 мая 2015 г.
Чăваш Ен чылай спорт проектне хутшăнать. Кăçалхи чи паллă спорт мероприятийĕ-сенчен пĕри вара - Шупашкарта июнĕн 20-21-мĕшĕсенче çăмăл атлетика енĕпе иртекен Европăн команда чемпионачĕ. Раççейĕн кăçалхи календарĕнче асăннă чемпионат Хусанта иртекен шыв çинчи спорт тĕсĕсен тата Челябинскри тхэквондо чемпионачĕсемпе пĕрле тĕнче шайĕнчи чи пысăк виçĕ мероприяти шутне кĕрет. Çăмăл атлетикăн чемпионатне Шупаш-карта ирттерме çĕнсе илме çăмăл пулмарĕ. Ăмăртусем иртмелли "Олимпийский" стадионта хальлĕхе реконструкци пырать. Çакна валли федераллă бюджетран пĕлтĕр 14,5 миллион тенкĕ, кăçал тата 63,6 миллион тенкĕ уйăрчĕç. Чемпионат ăмăртăвĕсене ирттерме вара Раççей спорт министерстви 17 миллион ытла тенкĕ уйăрчĕ. Унсăр пуçне Раççейĕн Олимп комитечĕпе çăмăл атлетикăн Пĕтĕм Раççейри федерацийĕ чемпионат валли технологи оборудованийĕ туянма 25 миллион ытла тенкĕ уйăрчĕ. Ку оборудовани чемпионат хыççăн Шупашкартах юлать. Чемпионата Европăри 50 çĕршыв (çав шутра Британири Би-Би-Си тата нимĕçсен АРД телекомпанийĕсем) тата ытти континентсем трансляцилĕç. Июнĕн 19-мĕшĕнче чемпионат официаллă майпа Шупашкарта Хĕрлĕ лапамра уçăлать, уяв каçĕн çăлтăрĕ Итали юрăçи Ингрид пулĕ. Çăмăл атлетика енĕпе иртекен Европăн команда чемпионатне курас текенсем валли билетсем сутма пуçланă, вĕсене чемпионатăн официаллă сайтĕнче тата хула кассисенче туянма пулать. Унсăр пуçне, муниципалитетсене те билетсем уйăрса патăмăр.
Сергей МЕЛЬНИКОВ, Чăваш Республикин физкультурăпа спорт министрĕ.
Источник: "Пирěн пурнăç"