Публикации » Паянхи кун та кĕтет

27 мая 2015 г.

Нумаях пулмасть Ваçкаçырми ялĕнче пурăнакан пĕр çын Интернет урлă йỹнĕрех хакпа строительство материалĕсем туянас тесе саккас панă. Укçи-тенкине таварне куçпа куричченех куçарнă. Йỹнĕ хакпа илнĕ строительство материалĕсем вара паянхи кун та кил умĕнче выртмаççĕ. Хисеплĕ район çыннисем, ултавçăсем "çывăрмаççĕ", тар тăкмасăрах укçа туса илмелли майсем шыраççĕ. Йỹнĕ тавара Интернет урлă шырама кирлĕ мар. Йỹнни - пасарта! Çакна та асра тытăр: сутуçăна укçа тыттариччен таварне алăпа тытса пăхмалла, документпа интересленмелле. Палланисенчен, пĕлнисенчен туянсан тата та аван: кил умнех çитерсе параççĕ, çитмесен тупаççĕ, пахалăхсăррине лайăххипе улăштараççĕ. Хам.инф.

Источник: "Пирěн пурнăç"