29 мая 2015 г.
Июнĕн 3-мĕшĕнче Шупашкарта "Чебоксары-Арена" пăр керменне савăнăçлă лару-тăрура уçаççĕ. Нумай функциллĕ керменĕн пăр арени 7,5 пин çынна вырнаçтарать. Кунтах тренировкăсем ирттермелли каток, тренажер залĕ, хальхи йышши конференц-зал, кафе, çĕр айĕнчи автостоянка пур. Пăр керменне уçнă çĕре 500 ытла артист, волонтерсем, хоккей командисем, фигуристсем хутшăнĕç, вĕсем хушшинче - Ирина Слуцкая тата Елена Бережная паллă спортсменкăсем. Вĕсемех пăр çинче "Алиса в стране чудес" шоу кăтартнă çĕре хутшăнĕç. Пуçламăшĕ - 18 сехетре. Уявăн савăнăçлă пайĕ пуçланиччен урамра, Пăр керменĕ умĕнче, концерт, супăнь хăмписен шоуне тата ытти тĕлĕнтермĕшсене курма пулĕ. Билетсен хакĕ - 400 тенкĕрен пуçласа. Вĕсене Шупашкарти кассăсенче тата wwwĕkkoncertĕru сайтра туянма пулать. Ыйтса пĕлмелли телефон: 38-02-08. А.КАРПОВА.
Источник: "Пирěн пурнăç"