29 мая 2015 г.
Инноваци проекчĕсем, çĕнĕ ĕç вырăнĕсем, кадрсем хатĕрлесси. Çак темăсене халалланă черетлĕ "Пирĕн республика. Тĕп тема" репортажа. "Пур професси те лайăх, хуть те хăшне суйла" текен каларăш уйрăмах халĕ, шкул ачисем экзамен тытнă вăхăтра, актуаллă. Професси суйласа çамрăксем хăйсен пуласлăхне, унпа пĕрлех çĕршывăн аталанăвĕн çул-йĕрне палăртаççĕ. Çавăнпа кадрсен хăватне аталантарасси экономика политикинче тĕпре тăрать. Паян техника специалисчĕсене хатĕрлес тĕллевпе вĕренỹ заведенийĕсем çумĕнче ресурссен секторĕсене йĕркелеççĕ. Республикăра ку енĕпе ĕçлеме тытăннă та ĕнтĕ. Сăмахран, "Элара" УАО Шупашкарти электромеханика колледжĕпе килĕштерсе ĕçлет. Михаил Игнатьев çак вĕренỹ заведенийĕнче пулнă. Кадрсен çитменлĕхне кура колледж "Элара" валли радиоэлектронлă аппаратурăпа приборсен 100-е яхăн монтажникне хатĕрлесе кăларнă. Сăмах май, электромеханика колледжĕнче тăватă ресурс центрĕ, вĕсенче çамрăксен пилĕк тĕрлĕ професси тата тăхăр специальность илме май пур. Юлашки пилĕк çулта Чăваш Ен территорийĕнче çĕр инвестици проектне пурнăçа кĕртнĕ, 12 пин пысăк технологиллĕ ĕç вырăнĕ туса панă. Тĕплĕнрех интернета çак ссылкăпа http,ỸỸsovchĕchuvashiaĕcomỸ.pç136749#more-136749 кĕрсе вуласа пĕлме пултаратăр.
А.ЗАМУТКИНА.
Источник: "Пирěн пурнăç"