Публикации » Паян Шупашкарта Пăр керменĕ уçăлать

03 июня 2015 г.

  Паян Шупашкарта "Чебоксары-Арена" Пăр керменне савăнăçлă лару-тăрура уçаççĕ. Пуçламăшĕ - 18 сехетре. Нумай функциллĕ керменĕн пăр арени 7,5 пин çынна вырнаçтарать. Çак вырăнсем паян пушă пулмаççех - билетсене май уйăхĕнчех пурне те сутса пĕтернĕ теме те пулать. Халăх йышлăн пухăннă çĕрте хăрушсăрлăх мелĕсене пăхăннăран куракансене Пăр керменне тимĕр шыракан ятарлă хатĕрсем витĕр тĕрĕслесе кĕртĕç. Асаилтеретпĕр, уяв каçĕнче Раççей-ри паллă фигуристсем Ирина Слуцкая тата Елена Бережная хутшăннипе "Алиса в стране чудес" пăр çинчи шоу кăтартĕç. Çавăн пекех паллă хоккеист Владислав Третьяк та паян Шупашкара килнĕ. Пĕлме: Юлашки çулсенче республикăра аллă ытла спорт объектне çĕнĕрен тунă е юсаса çĕнетнĕ. Хальхи вăхăтра вара тăхăр спорт объектне тăвас е реконструкцилес ĕçсем малалла пыраççĕ. Вĕсенчен пĕри - июнĕн 20-21-мĕшĕсенче çăмăл атлетика енĕпе иртекен Европăн команда чемпионачĕ валли хатĕрлекен "Олимпийский" стадион реконструкцийĕ. Унсăр пуçне - биатлон тата маунтинбайк енĕпе хатĕр-лекен центрсем тата ытти спорт сооруженийĕсем.

А.КАРПОВА.

Источник: "Пирěн пурнăç"