Публикации » Николай Самсонов ячĕпе - асăну хăми

03 июня 2015 г.

Майăн 29-мĕшĕнче Иккĕмĕш Хурашаш ялĕнче пурăнакансем тата сумлă хăнасем Чăваш Республикин тава тивĕçлĕ ялхуçалăх ĕçченне, Хĕрлĕ Чутай районĕн хисеплĕ гражданинне Николай Самсонова халалланă мероприятие хутшăнчĕç. Николай Кузьмич хăй лартнă, пурăннă çурт çинче асăну хăмине уçнă май пухăннисем (çав шутра Н.К.Самсоновăн мăшăрĕ, Александр тата Юрий ывăлĕсем, Зоя хĕрĕ) 25 çул хушши Ленин ячĕллĕ колхоза ертсе пынă çын çинчен ыррине нумай каларĕç. Вĕсен сăмахĕнчен пурнăçне ялхуçалăхĕпе çыхăнтарнă Николай Самсоновăн ырă ячĕ ĕмĕрех халăхра упранасси аван палăрчĕ. А.КАРПОВА.

Источник: "Пирěн пурнăç"