05 июня 2015 г.
Спортпа туслă çынсем - сывлăхлă. Сывлăха вара сутăн илме май çук. Ăна мĕн пĕчĕкрен çирĕп-летсе пыма тăрăшмалла, тепĕр майлă каласан - спортпа туслă пулмалла. Сывă пурнăç йĕркине пăхăнма тăрăшакансем тĕрлĕ спорт тĕсне алла илеççĕ, ăмăртусене хутшăнса çитĕнỹ-сем тăваççĕ. Акă Мăн Этмен шкулĕнче ачасене сывă пурнăç йĕркине хăнăхтарассине пысăк тимлĕх уйăраççĕ. Вĕренекенсем спортăн анлă тĕсĕсене хăнăхаççĕ, вĕсемпе районти, республикăри ăмăртусене хутшăнаççĕ. Волейбол, ав, арçыначасен кăна мар, хĕрачасен те юратнă вăййи пулса тăчĕ. Ку енĕпе район шайĕнче ирттернĕ ăмăртусенче ачасем темиçе хутчен те пĕрремĕш вырăн йышăнса çакна тивĕçлипех çирĕплетсе пачĕç. Шкул ачисем кашни çулах ăмăртăва хутшăнса шкул чысне çỹллĕ шая çĕклеççĕ. Республика шайĕнче иртекен волейбол вăййисен пĕрремĕш тапхăрĕнче - иккĕмĕш вырăн, иккĕмĕш тапхăрĕн-че виççĕмĕш вырăн йышăнма пултарчĕç, хисеп хучĕсене тата парнесене тивĕçлĕ пулчĕç. Командăра - Игорь Падейкин, Дмитрий Лаврентьев, Николай Михеев, Алексей Мокеев, Андрей Кудряшов, Станислав Чикмейкин, Валерий Ерофеев, Сергей Ерофеев тата вĕсен командирĕ Алексей Кондратьев. Команда тренерĕ -- Владимир Кукушкин. Сывă ỹт-пỹре - сывă шухăш-кăмăл. Çавăнпа та физкультурăпа тата спортпа туслашмалла, ырă, сывă пурнăç йĕркишĕн тăрăшмалла.
Эльвира АРТЕМЬЕВА, Мăн Этмен шкулĕн вĕренекенĕ.
Источник: "Пирěн пурнăç"