11 июня 2015 г.
"iВолга"
Кăçал федерацин Атăлçи округĕн "iВолга" çамрăксен форумне июнь уйăхĕн 17-27-мĕшĕсенче ирттерме палăртаççĕ. Унта тĕрлĕ номинацисемпе сменăсем йĕркелĕç. Хăшĕ-пĕринпе Чăваш Республикин делегацийĕсене йĕркелесе çитернĕ ĕнтĕ.
Чăваш Енрен форума 300 ытла çамрăк хутшăнма кăмăл пуррине пĕлтернĕ.
"Территория смыслов на Клязьме"
Çак ятпа иртет çамрăксен пĕтĕм Раççейри форумĕ. Вăл Владимир облаçĕн-че (Камешковский р-н, д. Дворики, оз. Запольское) июль уйăхĕн 13-мĕшĕнче пуçланĕ. Асăннă форум августăн 28-мĕшĕчченех ултă тематика сменипе ĕçлĕ. Унта Чăваш Енрен 18-30 çулхи 50 çамрăк хутшăнма пултарĕ.
"Таврида"
Пĕтĕм Раççейри "Таврида" çамрăксен форумĕ кăçал июлĕн 2-мĕшĕнчен пуçласа августăн 25-мĕшĕччен пырĕ. Вăл Крым çурутравĕн территорийĕнче иртĕ. Йĕркеленĕ сменăсем тĕрлĕ юхăмсемпе ĕçлĕç. Чăваш Енрен кашни юхăма тăватшар çын хутшăнĕ.
Çавăн пекех форумра Проектсен конвейерне ирттерме планлаççĕ, çĕнтернĕ проект авторĕсем гранта тивĕçĕç.
А.КАРПОВА.