17 июня 2015 г.
Июнĕн 9-мĕшĕнче районта ЧР Ялхуçалăх министерствин коллегийĕн анлă ларăвĕ иртрĕ. Пухăннисем ларуччен "Коминтерн" ЯХПК-ра выльăх апачĕ хатĕрлесси мĕнле пынине, уйра ĕçлекен çĕнĕ техникăна хăйсен куçĕпе курчĕç.
Хуçалăх ертỹçи Альбина Новикова люцернăран сенаж хатĕрлемелли технологи пирки каласа пачĕ: "Ăна çитĕнсе çитсенех, çулçисем сарăхиччен, пухса кĕртмелле. Пĕлтĕр выльăх апачĕ çулмалли ПАЛЕССЕ комбайн туянтăмăр. Унпа кукуруза та çулатпăр, хăех вĕтетет. Иккĕмĕш çул паха сенаж хатĕрлетпĕр".
Трапайри сĕт-çу ферминче сенаж хывас ĕçпе паллаштарнă май Альбина Борисовна силоспа сенажăн пилĕк управне иртнĕ çул кăштах сарнине, кăçал кашнинче 650-700 тонна апат хатĕрлеме май пуррине каларĕ.
Ĕнесене тутлăхлă апат çитерни сĕт нумай суса илме пулăшать. Пĕлтĕр "Коминтерн" 2400 тонна пахалăхлă сĕт сутма пултарнă.
А.КАРПОВА.