17 июня 2015 г.
Республика территорийĕнче, вăл шутра районта та, чĕрчунсем уртаракан чирпе асапланнă 50 ытла тĕслĕх тупса палăртнă. Асăннă чирĕн профилактика мелĕсенчен пĕри - тискер чĕрчунсене вакцинаци тăвасси. Тискер чĕрчунсем пурăннă терри-торисенче, уртаракан чир сарăлас хăрушлăх пур вырăнсенче, тилĕ йăвисем çывăхĕнчи лаптăксенче çимелли астармăш брикетсем хурса тухаççĕ. Вĕсем вирус вакцинăран тăраççĕ.
Района уртаракан чирпе кĕрешмелли вакцинăн 800 дози ("Рабивак-0333") çитнĕ. Çитес вăхăтра ветеринари специалисчĕсем асăннă брикетсене тилĕ йăвисем çывăхĕнче хурса тухĕç.
Вирус вакцини - астармăш брикет, вăл шĕвек капсулăсенчен тăрать. Астармăш брикета çисен капсулăсем арканаççĕ, вирус чĕрчун организмне лекет. Вакцинаци хыççăн 21 кун иртсен тискер чĕрчунăн иммунитечĕ йĕркеленет. Вăл çулталăкран кая мар сыхланса юлать. Вакцина пур чĕрчуншăн та, кайăк-кĕшĕкшĕн те хăрушă мар.