01 июля 2015 г.
Июнĕн 29-мĕшĕнче Патăрьел районĕнчи Шăкăртан ял тăрăхĕнче республикрăи "Зарница" тата "Орленок" вăйăсем вĕçленнĕ. Вăйăсене савăнăçлă лару-тăрура хупнă çĕре республика Пуçлăхĕн тивĕçĕсене вăхăтлăх пурнăçлакан Михаил Игнатьев хутшăннă.
Пирĕн районтан асăннă вăйăсене çĕнатикассисемпе атнарсем хутшăннă. Палăртма кăмăллă, Çĕн Атикасси шкулĕн Светлана Петрейкина ертсе пыракан команди "Зарница" ушкăнра 5-мĕш вырăна тухма пултарнă. "Орленок" вăййа пĕрремĕш хут хутшăннă атнарсен те кăтартусем япăх мар. Сăмах май, атнар шкулĕн çамрăк армеецĕсем "Мы защитники Отечества" викторинăра 3-мĕш вырăн йышăнма пултарнă.
Асаилтеретпĕр, республикăри çамрăк армеецсен "Зарница" тата "Орленок" вăййисем кăçалхипе 47-мĕш хут иртнĕ, унта республикăри районсемпе хуласенчи çамрăк арме-ецсен, кадетсен, çарпа патриотизм клубĕсен, професси пĕлĕвĕ паракан организацисен 77 команди хутшăннă.
А.КАРПОВА.