01 июля 2015 г.
90 çулхи тата ун хыççăнхи сумлă юбилейĕсене паллă тăвакансене Раççей Президенчĕ Владимир Путин ячĕпе саламласси районта аван пулса пырать.
Акă июнĕн 25-мĕшĕнче Калкасси ялĕнче пурăнакан Ольга Ксенофонтовна Иванова хăйĕн 90 çулхи сумлă юбилейне кĕтсе илнĕ. Вăрçă пуçланнă çул 16 çулта пулнă вăл. Йывăр ĕç валли тĕрекленсех çитеймен пулин те аслисемпе танах пур ĕçе те хутшăннă, тыррине те вырнă, окопне те алтнă... Мирлĕ кунсенче те ĕçсĕр ларман, мăшăрĕпе икĕ ывăлпа пĕр хĕр пăхса ỹстернĕ.
Паянхи кун Ольга Ксенофонтовна хĕрĕн çемйинче пурăнать. Малтан мăнукĕсене пăхнă пулсан халĕ кĕçĕннисемпе ларать.
Июнĕн 27-мĕшĕнче Туктамăш ялĕнче пурăнакан ĕç ветеранĕ тата тыл ĕçченĕ Перасковья Семеновна Морозо-ва та хăйĕн 90 çулхи юбилейне кĕтсе илнĕ, Президент саламне тивĕçнĕ. Унăн çамрăклăхĕ те йывăр çулсене тивнĕ. Ыттисемпе пĕрлех çамрăклăхпа сыв пуллашса Çĕнтерĕве çывхар-тас тĕллевпе ĕçе пуçăннă, мирлĕ пурнăçшăн тăрăшнă. Хĕрĕсем каласа панă тăрăх, амăшĕ çулне кура мар вăр-вар, килти ĕçсене хăех тăвать, сад-пахчара та тăрмашать. Унăн хуçалăхĕнче те яланах тирпей-илем хуçаланать.