03 июля 2015 г.
Районти хуçалăхсенче выльăх апачĕ хатĕрлес ĕç малал-ла пурнăçланса пырать. Райадминистрацин ялхуçалăх пайĕн-чен пĕлтернĕ тăрăх, июлĕн 2-мĕшĕ тĕлне пурĕ 980 тонна е палăртса хунинчен 33,7 процент утă хатĕрленĕ, 5225 тонна сенаж хывнă. Нумай çул ỹсекен курăксене 2423 гектар çинче çулса илнĕ.
Хĕл валли выльăх апачĕ хатĕрлессипе "Коминтерн" ЯХПК малта пырать, кунта 850 гектар çинче курăк çулнă, 120 тонна утă, 3750 тонна симĕс масса хатĕрленĕ. "Нива" ЯХПК ĕçченĕсем 510 гектар çинче курăк çулнă, 100 тонна утă, 1400 тонна сенаж янтланă.
"Свобода" колхоз 110 гектар çинче, "Аккозинское" хуçалăх - 340 гектар, "Победа" 150 гектар çинче çулнă.
А.ТИМОФЕЕВА.