03 июля 2015 г.
Кăçал сентябрĕн 13-мĕшĕнче суйлав иртĕ. Суйлавра Чăваш Республикин Пуçлăхне, район тата ял тăрăхĕсен Пухăвĕсен депутачĕсене суйлăпăр.
Июнĕн 30-мĕшĕ тĕлне Чăваш Республикин Пуçлăхĕ пулма 10 парти хăйсен кандидачĕсене тăратнă. Вĕсем: "ЯБЛОКО" партинчен Владислав Иванович Аркадьев (1957 çулта çуралнă), "Гражданская инициатива" партинчен Андрей Юрьевич Броницын (1972 çулта çуралнă), "ПАТРИОТЫ РОССИИ" партинчен Евгений Владиславович Горбунов (1975 çулта çуралнă), "Российская партия пенсионеров за справедливость" партинчен Геннадий Сергеевич Иванов (1952 çулта çуралнă), "ЕДИНАЯ РОССИЯ" партинчен Михаил Васильевич Игнатьев (1962 çулта çуралнă), "АЛЬЯНС ЗЕЛЕНЫХ И СОЦИАЛДЕМОКРАТОВ" партинчен Юрий Валерьевич Малов (1978 çулта çуралнă), "СПРАВЕДЛИВАЯ РОССИЯ" партинчен Олег Алексеевич Николаев (1969 çулта çуралнă), "Партия пенсионеров России" партинчен Валерий Васильевич Сапожников (1942 çулта çуралнă), ЛДПР партинчен Константин Сергеевич Субботин (1982 çулта çуралнă), "КОММУНИСТИЧЕСКАЯ ПАРТИЯ РОССИЙСКОЙ ФЕДЕРАЦИИ" партинчен Валентин Сергеевич Шурчанов (1947 çулта çуралнă).
Июлĕн 2-мĕшĕ тĕлне территорири суйлав комиссине район Пухăвĕн депутачĕ пулма 1 кандидат çеç документсем тăратнă, вăл - Хĕрлĕ Чутай ял тăрăхĕнчи Юрий Петрович Ярабаев. Хĕрлĕ Чутай ял тăрăхĕн депутачĕ пулма иккĕн регистрациленнĕ, вĕсем - Владимир Геннадьевич Мареев тата Владимир Анатольевич Кашкиров.
А.САН.