08 июля 2015 г.
Иртнĕ шăматкун райпо тытăмĕнче ĕçлекенсем Кооперативсен пĕтĕм тĕнчери кунне уявларĕç. Савăнăçлă лару-тăрура паллă тума вара вĕсен сăлтавĕ пайтах. Малтанах палăртмалла: вĕсем районăн социаллă пурнăçĕпе экономика аталанăвне пысăк витĕм кỹреççĕ, Чăвашпотребсоюз республикăри кооперативсем хушшинче йĕркеленĕ конкурссенче малти вырăнсене йышăнаççĕ...
Ĕçне кура - хисепĕ, теççĕ. Тỹрĕ кăмăлпа нумай çул ĕçленĕшĕн Чăваш Патшалăх Канашĕн Хисеп грамотине район пуçлăхĕ Александр Юрьевич Степанов тивĕçрĕ, Раççей Федерацийĕн Центросоюзĕн Хисеп грамотипе райпон товароведне Ольга Юрьевна Александрована чысларĕç, "Потребкооперацире 25 çул лайăх ĕçленĕшĕн" паллăна райпо буфетĕнче ĕçлекен Раиса Александровна Смирнована, Чăвашпотребсоюзăн Хисеп грамотине "Четайское" ТЯО-н производство заведующине Ираида Леонидовна Патрикеевана, "Раççей Федерацийĕн потребитель кооперацийĕн ветеранĕ" ята 2№ гастроном заведующине Ольга Ивановна Семгайкинана, "Чăваш Республикин потребитель кооперацийĕн ветеранĕ" ята райпо бухгалтерне Раиса Борисовна Аргандейкинана пачĕç.
Çавăн пекех Коопераци кунĕнче "2014 çулхи чи лайăх повар" номинацие Альбина Валерьевна Пигильдина, "2014 çулхи чи лайăх кондитер" ята - Екатерина Николаевна Аргандейкина, "2014 çулхи чи лайăх çăкăр пĕçерекен" - Надежда Львовна Абакумова, "2014 çулхи чи лайăх сутуçă" номинацие Вырăсушкăнь ялĕнчи лавкка заведующийĕ Елена Ивановна Парикова тивĕçрĕç.
Источник: "Пирěн пурнăç"