Публикации » Амăшĕн капиталĕ çурт çĕклеме пулăшать

08 июля 2015 г.

Кив Атикасси ялĕнче пурăнакан Вера Михайлова нумаях пулмасть республикăри амăшĕн капиталĕн 100 пин тенкĕпе танлашакан сертификатне тивĕçрĕ. Хальхи вăхăтра Вера Валериановнăпа мăшăрĕ, Алексей Николаевич, виçĕ ывăл пăхса ỹстереççĕ. Вера Михайлова паянхи кун кĕçĕн ывăлĕ-пе ларать, унччен вара Çĕн Атикассинчи шкулта тимленĕ. Мăшăрĕ республика тулашне ĕçлеме тухса çỹрет. Мăшăр çĕршыв шайĕнчи амăшĕн капиталне те тивĕçнĕ, унпа вăл икĕ хутлă çĕнĕ çурт хăпартнă чух усă курнă. Республика шайĕнчи пулăшупа мĕнле усă курассине вĕсем хальлĕхе палăртман-ха. Сăнỹкерчĕкре: райадминистраци пуçлăхĕ Александр Башкиров Вера Михайлована сертификат парса чысланă самант.

Источник: "Пирěн пурнăç"