10 июля 2015 г.
Çулсеренех июль уйăхĕн иккĕмĕш вырсарни кунĕнче почта çыхăнăвĕнче ĕçлекенсем хăйсен професси уявне паллă тăваççĕ. Пур тапхăрта та почта ĕçченĕсен ĕçĕ çăмăл пулман. Халĕ те, информаци технологийĕсем хăвăрт аталаннă чухне, вăл хăйĕн пĕлтерĕшне çухатмасть, ял çыннисемшĕн чи кирлĕ çыхăну мелĕ пулса юлать. Хальхи самана таппинче почта çыхăнăвĕнче чи чăтăмлисем кăна ĕçлеççĕ тесе калас килет. Почтальон халăх патне хаçат-журналпа çырусем кăна мар, пенси те вăхăтра çитерсе парать-çке. Ку кăна-и? Ахаль те çăмăл мар сумкине унăн ял çыннисене сĕнме тĕрлĕ тавар тултарса йывăрлатма тивет. Мĕн тăвас тетĕн, ĕç йĕрки çапларах халĕ. Асăнтăмăр ĕнтĕ, почтăра тỹсĕмлисем тăрăшаççĕ. Вĕсем район çыннисене çĕнĕ хыпарсемпе паллаштарма васкаççĕ. Çĕнĕ хыпарĕсем вара район тĕкĕрĕнче - "Пирĕн пурнăç" хаçатра - кун çути кураççĕ. Шăпах ăна анлă сарас тĕллевпе тăрăшаççĕ те куллен почтальонсем. Паян манăн уйрăмах Утаркассипе (начальникĕ - Вера Николаевна Федорова) Хĕрлĕ Чутай (начальникĕ - Василий Александрович Кораков) почта уйрăмĕсене тав сăмахĕ калас килет, вĕсем ĕçе парăнни куç умĕнчех: йывăрлăха çĕнтерсе малаллах утаççĕ. Çавăн пекех район хаçатне ытларах халăх патне çитерекенсене те тав тăватăп. Чи ăшă сăмаха Хусанушкăнь почта уйрăмĕн почтальонĕ Зоя Николаевна Семенова тивĕç, халăх патне вăл "Пирĕн пурнăç" хаçата 122 экземпляр çитерет. Хĕрлĕ Чутай почта уйрăмĕн почтальонĕсем те - Антонина Георгиевна Яруткина район хаçатне 116 çынна çырăнтарнă, Юлия Ивановна Майорова - 113 экз., Галина Михайловна Печникова - 95 экз., Лариса Германовна Ахматканова - 80 экз. - лайăх ĕçлеççĕ. Хусанушкăнь почта уйрăмĕн почтальонĕ Любовь Порфирьевна Долгова - 82 экз., Шĕмшеш почта уйрăмĕн почтальонĕ Юлия Тихоновна Михеева - 80, Утаркасси почта уйрăмĕн почтальонĕсем Валентина Николаевна Микушкина - 77, Инна Ильинична Захарова 76 кил-çурта "Пирĕн пурнăç" хыпарĕсемпе паллаштараççĕ. Ачкасси почта уйрăмĕн начальникĕ Клара Александровна Данилова тата Надежда Тимофеевна Романова почтальон, Утаркасси почта уйрăмĕн почтальонĕ Римма Дмитриевна Жидкова та район хаçатне çырăнтарас кăтартăва ытларах ỹстернĕ. Шĕмшешсем - Юлия Тихоновна Михеева, Елизавета Ивановна Афоркина, Наталия Васильевна Сергеева - ĕç кăтартăвĕсене чакарман. Паллах, район хаçатне ытларах сарас тесе ытти почтальонсем те вăй хунă. Апла пулсан пурне те, пур çыхăну уйрăмĕ-сен ĕçченĕсене те професси уявĕ ячĕпе саламлатăп. Эсир район çыннисем патне çитерекен хыпарсем яланах лайăх пулччăр, ĕçĕрсем ăнса пыччăр, малашне те район тĕкĕрне ытларах сарма сирĕн сывлăхăрсем çирĕп пулччăр, кăтартăвăрсем çулран-çул ỹссе кăна пыччăр, ỹсĕмсен чикки ан пултăр.
Алина ОРИНОВА.
Источник: "Пирěн пурнăç"