10 июля 2015 г.
Июлĕн 6-мĕшĕнче Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев Министрсен Кабинечĕн членĕсемпе, федераци ведомствисен тер-риторири органĕсен тата муниципалитетсен ертỹçисемпе ка-нашлу ирттернĕ. Унта Чăваш Республикин гражданла оборонипе чрезвычайлă лару-тăру ĕçĕсен патшалăх комитечĕн председателĕ Вениамин Петров республикăри оперативлă лару-тăрупа паллаштарнă. Вăл июлĕн 5-мĕшĕнче каçхине Патăрьел районĕнче тăвăллă çиле пула 7 кил хуçалăхĕ шар курнине, аçа çапнăран Комсомольски тата Муркаш районĕсенче темиçе пушар тухнине, Вăрмар, Сĕнтĕрвăрри тата Патăрьел районĕсенче электролинисем татăлнине пĕлтернĕ. Михаил Игнатьев чрезвычайлă лару-тăрăва сирме яланах хатĕр пулмаллине палăртнă. "Эпир çынсене инкекре нихçăн та пăрахман, яланах пулăшнă", - тенĕ вăл. Çав вăхăтрах килĕ-çурчĕшĕн çынсен хăйсен те тăрăшмаллине, синкер сиенне пĕчĕклетес тĕллевпе пур-лăхне страхламаллине аса илтернĕ. Пушар тĕппипех пĕтернине манас марччĕ. Пирĕн районта та аçа çапнипе иртнĕ уйăхра Çĕн Атикасси тата Тракушкăнь ялĕнче икĕ хуçалăх кĕлленнĕччĕ. "РОСГОССТРАХ" ĕçченĕсем пĕлтернĕ тăрăх, çĕнатикассисем кил-çуртне страхланă, тракушкăньсем - çук. А.САН.
Источник: "Пирěн пурнăç"