10 июля 2015 г.
Пĕтĕм Раççейри почта кунĕ умĕн районти почта ĕçче-нĕсем савăнăçлă мероприятие пухăнчĕç. Почтальонсене, операторсене, программистсене, почта уйрăмĕн начальникĕсене çывхарса килекен професси уявĕпе район администрацийĕн пуçлăхĕ Александр Башкиров, Çĕмĕрлери почтамт начальникĕ Фридрих Альштут, район хаçачĕн тĕп редакторĕ Алина Оринова саламларĕç, хăвăрт аталанакан технологисен саманинче те почта хăйĕн пĕлтерĕш-не çухатманнине палăртрĕç.
Чи лайăх почтальонсем
Паянхи кун почтăна хăйне те нумай функциллĕ центрпа танлаштарма пулать. Самана таппинчен юлмасăр почта ĕçченĕ-сем хăйсен тĕп тивĕçĕсене пурнăçланипе пĕрлех çынсене тĕрлĕ пулăшусемпе туллин тивĕçтерме тăрăшаççĕ. Савăнăçлă мероприятире вĕсенчен нумайăшне тĕрлĕ наградăсем парса чысларĕç. Хĕрлĕ Чутайри çыхăну уйрăмĕн пĕрремĕш класлă операторĕ Римма Коракова почта çыхăнăвне аталантарас ĕçе тỹпе хывнăшăн "Раççей почти" ФПУП-ăн Хисеп грамотине тата ĕçре тĕслĕх кăтартнăшăн 15 пин тенкĕ премие тивĕçрĕ. Хĕрлĕ Чутайри почта уйрăмĕн начальникне Василий Коракова республика шайĕнчи, унăн çумне Нина Товинана нумай çул тỹрĕ кăмăлпа ĕçленĕшĕн тата профсоюз ĕç-хĕлĕнче активлă пулнăшăн республикăри почта ĕçченĕ-сен профсоюз комитечĕн Хисеп грамотисемпе чысларĕç. Хĕрлĕ Чутай салин почтальонĕ Юлия Майорова "Раççей почти" ФПУП-ăн тата район администрацийĕн пуçлăхĕн Тав сăмахне, çак хисепех Надежда Романова, Инна Захарова, Галина Куропаткина почтальонсем тивĕçрĕç. Редакци те район хаçатне халăхра саракан почта уйрăмĕсен ĕçченĕсене Тав сăмахĕсемпе, парнесемпе хавхалантарчĕ. Вĕсен шутĕнче: Зоя Семенова, Антонина Яруткина, Юлия Майорова, Галина Печникова, Лариса Ахматканова, Любовь Долгова, Валентина Микушкина, Инна Захарова, Клара Данилова, Надежда Романова, Римма Жидкова, Юлия Михеева, Елизавета Афоркина, Наталия Сергеева, Вера Федорова, Василий Кораков. Вĕсем пурте кăтартусене чакармасăр ĕçлесе пыраççĕ. А.ЗАМУТКИНА.
Источник: "Пирěн пурнăç"