Публикации » Раççей почтин Тав çырăвĕ

22 июля 2015 г.

Раççей почтин кунĕнче Хĕрлĕ Чутай салин почтальонĕ Юлия Ивановна Майорова чылай наградăна тивĕçрĕ. Чи пĕрремĕшĕ - тỹрĕ кăмăлпа ĕçленĕшĕн "Раççей почти" ФПУП-ăн Тав сăмахĕ. Иккĕмĕшĕ - район администрацийĕн пуçлăхĕн Тав сăмахĕ. Виççĕмĕшĕ - "Пирĕн пурнăç" хаçат редакцийĕн Тав сăмахĕ. Юлия Ивановна Майорова тав сăмахĕсене тивĕçлех. Унăн ĕçĕ курăмлă. "Пирĕн пурнăç" хаçата халăх хушшинче ытларах саракансенчен пĕри вăл. Конкурентлă вăхăтра та вăл 113 кил-çурта район хыпарĕсемпе паллаштарать. Хаçат-журналсăр пуçне унăн сумкинче тата тĕрлĕ тавар - пĕтĕмпех халăхшăн. Юлия Ивановна, Тав Сире! Малашне те "Пирĕн пурнăç" хаçата вулакан патне вăхăтра çитерме сывлăхăр çирĕп пултăр, ĕçлес туртăм пысăклансах пытăр, халăх хушшинчен ыр ят илтĕнтĕр. Алина ОРИНОВА.

Источник: "Пирěн пурнăç"