22 июля 2015 г.
Районта сĕт сивĕтмелли икĕ вырăн пур. Вĕсенчен пĕри райпора пилĕк çул каялла ĕçлеме тытăннă. Цехра виçĕ çын вăй хурать. Талăксерен унта 30 тонна яхăн сĕте сивĕтме пултараççĕ. Асăннă пункт ĕçлени килти хуçалăхсенчен пухакан продукцие вырнаçтарас ыйтăва татса пама май парать. Акă, райпо тытăмне кĕрекен "Заготовки" пĕрлешĕвĕн ултă автомашини (Надежда Бродюкова, Елена Кириллова, Наталья Медведева, Галина Волкова, Надежда Бродюкова, Маргарита Еремина сĕт пухакансем) кашни кунах район территорийĕнчи ялсенче халăхран 13-14 тонна сĕт пухать. Сĕте асăннă пункта илсе килсе сивĕтеççĕ. Продукцин ытларах пайĕ республика тулашне каять. Литр сĕте райпо 14,5 тенкĕлле сутать, 1,5 тенкĕ тупăш юлать.
А. ЗАМУТКИНА.
Источник: "Пирěн пурнăç"