Публикации » Ял ĕçченне - Тав сăмахĕпе асăнмалăх сехет

24 июля 2015 г.

"Свобода" колхозра нумай çул хушши чунне парса ĕçлекен Зоя Токаревăшăн çĕр ĕçченĕсен кăçалхи уявĕ ырă хумханупа асра юлчĕ. Уявра вăл агропромышленность комплексĕнче тỹрĕ кăмăлпа нумай çул тăрăшса ĕçленĕшĕн Чăваш Республикин Пуçлăхĕн Михаил Игнатьевăн Тав сăмахне тата ятран паракан сехетне тивĕçрĕ. Асăннă наградăна тата асăнмалăх парнене Зоя Виссарионовнăна ЧР юстици министрĕ Надежда Прокопьева тата ЧР Патшалăх Канашĕн депутачĕ Николай Малов парса чысларĕç. Акташ ялĕнче пурăнакан Зоя Токарева 25 çул ытла колхозра пĕчĕк пăрусене пăхать. Тăрăшуллă пулнăран унăн ĕçне час-часах хакланине курма пулать. Сăмах май, Токаревсем колхозра çемйипех ĕçлеççĕ: Никита Васильевич - çемье пуçĕ - уй-хир бригадирĕн-че тимлет, Александр ывăлĕ трактористра вăй хурать, Алена хĕрĕ - бухгалтерта. Калас пулать, ял ĕçченĕн уявĕнче Александр Токарев та район администрацийĕн пуçлăхĕн Хисеп грамотине тивĕçрĕ.

А.ДМИТРИЕВА.

Источник: "Пирěн пурнăç"