Публикации » "Нива" ĕçченĕсене - Хисеп грамоти

29 июля 2015 г.

"Нива" ялхуçалăх производство кооперативĕнче тỹрĕ кăмăлпа тăрăшса ĕçлекенсем сахал мар. Çĕр ĕçченĕсен кăçалхи уявĕнче вĕсенчен виççĕшĕ - Владимир Мурайкин ертỹçĕ, Юрий Воронов тĕп инженер тата Вячеслав Скворцов водитель - агропромышленность комплексĕнче нумай çул тăрăшса ĕçленĕшĕн Чăваш Республикин Ялхуçалăх министерствин Хисеп грамотине илме тивĕç пулчĕç. Владимир Иванович - пуçаруллă, ĕç-хĕле тĕрĕс йĕркелесе пыма пĕлекен ертỹçĕ. Унăн коллективĕ те пултаруллă çынсенчен тăрать. Юрий Воронов тĕп инженер хуçалăхра 33 çул ĕçлет. Вăл машинăпа трактор паркне яланах юсавлă тытма тăрăшать. Вячеслав Скворцов вара "Нивăра" 20 çул ытла тимлет. Ăна ГАЗ-53 авто-машина шанса панă, унпа вăл пур çĕре те çитет. Хальхи вăхăтра сенаж ха- тĕрленĕ çĕрте вăй хурать. Ака вăхăтĕнче е вырмара тырă-пулă турттарса тăрать. Хăйсен тивĕçĕсене чунтан парăнса пурнăçлаççĕ çак ял ĕçченĕсем.

А.ЗАМУТКИНА.

Источник: "Пирěн пурнăç"