Публикации » Чăвашсенчен парне Луганскпа Донецк ачисене

29 июля 2015 г.

Луганск тата Донецк халăх республи-кисенчи шкул ачисем - кăçал пĕрремĕш класа каякансем - валли Чăваш Енре пурăнакансем виçĕ тонна ытла гуманитари пулăшăвĕ хатĕрленĕ. Раççей Федерацийĕн Президенчĕ çумĕнчи ачасен прависене хỹтĕлекен уполномоченнăй Павел Астахов Луганск тата Донецк халăх республикисенчи пĕрремĕш класс ачисене çĕнĕ вĕренỹ çулĕ тĕлне парнепе савăнтармашкăн "Çĕнĕ Раççее - пĕлỹ кунĕ" ыркăмăллăх акцийĕ йĕркелеме кăçалхи çуркунне чĕнсе каланăччĕ. Унăн шухăшне Чăваш Ен Пуçлăхĕн тивĕçĕсене вăхăтлăх пурнăçлакан Михаил Игнатьев ырласа йышăннă. Сăваплă юхăма министерствăсемпе ведомствăсем, предприяти-учреждени, республикăра пурăнакансем пуçаруллă хутшăнчĕç. Пĕрлехи вăйпа 800 пин ытла тенкĕлĕх вĕренỹ хатĕрĕ, канцеляри таварĕ, спорт тумĕ пуçтарнă. 320 чĕркеме пухнă гуманитари пулăшăвне Луганск тата Донецк тăрăхĕсене çĕнĕ вĕренỹ çулĕ тĕлне илсе çитермешкĕн Мускав хулине ярса панă. Михаил Игнатьев ыркăмăллăх ĕçне пуçаруллă хутшăннисене чĕререн тав тунă, акци çĕр-çĕр ачана вĕренмешкĕн тата тарăн пĕлỹ илмешкĕн пулăшасса шаннине пĕлтернĕ.

Источник: "Пирěн пурнăç"