05 августа 2015 г.
Чăваш Республикин Пуçлăхĕн, район Пухăвĕн тата ял тăрăхĕсен депутачĕсен суйлавĕн пĕрремĕш тапхăрĕ - суйлава пухасси, вĕсене тишкересси тата кандидатсене регистрацилесси - вĕçленчĕ. Сентябрĕн 13-мĕшĕнчи суйлав бюл-летеньне Чăваш Ен Пуçлăхĕ пулма тăратнă 5 кандидатăн хушаматне кĕртĕç. Вĕсем - Михаил Игнатьев, Валентин Шурчанов, Олег Николаев, Константин Субботин тата Валерий Сапожников. Комисси ыттисене, çиччĕшне, регистра-цилемен. Сăлтавĕ: алă пуснине çителĕк- лĕ пухман, документсенчи йăнăшсем, хутсене тĕп комиссие вăхăтра çитерменни тата ытти те. Пĕрлехи сасăлав кунĕнче район Пухăвĕн 18 депутачĕ тата 115 ял тăрăхĕн депутачĕ суйланĕ. Ял тăрăхĕн пуçлăхне мандат илнĕ депутатсем хăйсен хушшинчен, конкурс комиссийĕ сĕннĕ çынна çирĕплетĕç. Ял тăрăхĕсен уставне кун пек улшăну кĕртнĕ ĕнтĕ. Вăл ял тăрăхĕн администрацийĕн пуçлăхĕн тивĕçĕсене пурнăçлĕ, ял тăрăхĕн депутачĕсен Пухăвĕн председательне урăх депутата суйлĕç. Муниципалитет йĕркеленĕвĕн ертỹлĕхне мĕнле йĕркелесси çинчен эпир июнь уйăхĕнчи кăларăмра, юстици министрĕ Надежда Прокопьева панă интервьюра тĕплĕн каласа кăтартнăччĕ. Чăваш Енри суйлава 1201 суйлав комиссийĕ ирттерет: Тĕп суйлав комиссийĕ, Улатăр тата Шупашкар хулисен _ 2, территорири 28 суйлав тата участокри 1170 суйлав комиссийĕ. Вĕсенче 9 пине яхăн çын ĕçлет. Чăваш Республикин Пуçлăхĕн суйлавне хутшăнма регистрациленнĕ кандидатсен суйлав умĕнхи агитацие массăллă пичет хатĕрĕсенче тата телерадиокомпанисен эфирĕнче августăн 15-мĕшĕнчен пуçласа сентябрĕн 12-мĕшĕчченхи ноль сехетчен ирттерме ирĕк пур. Хальхи суйлав вăхăтĕнче видеосăнав пулĕ. Чăн та, ку пысăк тăкакпа çыхăннă, вĕсене вырнаçтарма тата ĕçлеттерме кăна 25-30 миллион тенкĕ кирлĕ. Суйлав бюллетенĕсене шута илекен комплекссене (КОИБ) кăçал (вĕсем _ 60) Çĕнĕ Шупашкарти 52 тата Çĕрпỹри 8 суйлав участокĕнче вырнаçтарĕç. А.ОРИНОВА.
Источник: "Пирěн пурнăç"