Публикации » Укçине тавăрса памаççĕ

12 августа 2015 г.

Кăçалхи çур çулта Раççей реестрĕн Чăваш Республикинчи управленийĕ правасен патшалăх регистрацине тума 865 хирĕçле йышăну тунă. Сăлтавĕ - документсен пуххи тулли пулманни тата ытти те. Çакăн пек йышăнусем Правасен пĕрлехи патшалăх реестрĕнче (ПППР) сутуçăсен куçман пурлăхĕ тĕлĕшпе арест тата ытти йышши чарусем пулнипе çыхăннă. НФЦ-ри тата Кадастр палатинче документсене йышăнакан специалистсем Правасен пĕрлехи патшалăх реестрне кĕме пултармаççĕ, çавăнпа та заявлени çыракансене арестсем тата чарусем пуррине пĕлтереймеççĕ. Управлени килĕшỹ тăвиччен куçман пурлăх пирки ПППР-ан выписка илме сĕнет. Ытларах чухне хирĕçле-нисем еткерлĕх ĕçĕсемпе çыхăннă. Правасене суд урлă ĕнентерес мар тесен документсене вăхăтра тумалла. Нумаях пулмасть пĕр районти гражданин хваттерне сутас тĕллевпе документсене регистраци тума тăратнă. Анчах та вăл паспорт вырăнне удостоверени ("Общество удостоверяющих себя личностей") тăратнă. Специа-листсем ăна паспорт кирлине асăрхаттарнă пулин те вăл хăйĕн пекех тунă. Саккунпа килĕшỹллĕн çакăн пек удостоверенисем гражданин кам пулнине çирĕплетекен документ шутланмаççĕ. Асăннă лару-тăрура куçман пурлăхăн регистрацине туман. Килĕшĕве хутшăннă граждансем вара вăхăтне тата укçи-тенкине кăна çухатнă, мĕншĕн тесен кун пек чухне патшалăх пошлинине тавăрса памаççĕ.

Раççей реестрĕн Чăваш Республикинчи управленийĕн пресс-служби.

Источник: "Пирěн пурнăç"