Публикации » Çамрăк агроном

14 августа 2015 г.

Хĕр вăл - сутлăх тавар, теççĕ халăхра. Хĕрĕн ăçта качча тухнă, çавăнта пурăнмалла - пурнăç йĕрки çапла. Сăмахран, кăçалхи апрель уйăхĕнчен район администрацийĕн ялхуçалăх пайĕнче çамрăк специалист Мария Куропаткина ĕçлеме пуçларĕ. Мария Сергеевна 1990 çулта Шăмăршă районĕн-чи Ярăслав ялĕнче кун çути курнă. Виçĕ çул каялла вăл Чăваш патшалăх ялхуçалăх академийĕнчен "ученăй-агроном" специальноçне вĕренсе тухнă. Çамрăк хĕр Урикассинчи Ларисăпа Анатолий Куропаткинсен ывăлне качча килнĕ. Нумайăшĕ пĕлеççĕ ĕнтĕ, ку çемье хăйĕн ĕç-хĕлне ялхуçалăхĕпе çыхăнтарнă. Хальхи вăхăтра Мария çемьере хăй кăна мар, мăшăрĕ Дима та, хунямăшĕпе хуняшшĕ те ялхуçалăх отраслĕнче вăй хураççĕ. Çамрăк мăшăр пĕр ача ỹстерет. А.ДМИТРИЕВА.

Источник: "Пирěн пурнăç"