Публикации » Васкавлă ĕç килĕшĕвне тăсма тивĕç

09 сентября 2015 г.

Кăçалхи июнь уйăхĕн 29-мĕшĕнче РФ Ĕç кодексĕн 84.1 тата 261 статйисене улшăнусем кĕртнĕ. Унпа килĕшỹллĕн ĕçпе тивĕçтерекен ача кĕтекен хĕрарăмăн заявленийĕпе декрет отпускĕ вĕçлениччен васкавлă ĕç килĕшĕвне тăсма тивĕç. Паллах, сотрудникăн ача кĕтнине ĕнентерекен медицина справки тăратмалла. Йывăр çын пулнипе тата çуратнипе отпуск парсан ĕç килĕшĕвне унăн срокĕ вĕçлениччен тăсмалла. Ĕç килĕшĕвĕ ĕçленĕ вăхăтра хĕрарăмăн ĕçпе тивĕçтерекен ыйтнипе виçĕ уйăхра пĕрре ача кĕтнине ĕнентерекен справка тăратмалла. Хĕрарăм ача çуратнă хыççăнах ĕçе çỹреме тытăнсан ĕçпе тивĕçтерекен ĕç килĕшĕвне эрне хушшинче татма пултарать. Улшăнусем 2015 çулхи июлĕн 11-мĕшĕнче вăя кĕчĕç. Малтан васкавлă килĕшĕве ача çуратичченех тăснă.

Диана САВИНКИНА, район прокурорĕн пулăшуçи.

Источник: "Пирěн пурнăç"